Lagerblog:

Samstag 28.09.2024:

Guete Morge zämme,

mer si gstartet in Obergösge bim Busdepot. De Captain Stauwehr und sini Matrosse hend üs begrüesst und eus bittet ehne z helfe de verschollnig Blackbeard z finde. Mer hei eus mit emene Doppelstöckerlandschiff uf e Weg is abglägnige Torgon gmacht. Zum Start hemmer eus e chli uf der Insle umegluegt in Form vomene Postelauf. Mer hei eus mit de Krabbene agleit und es Renne gmacht. Au hemmer eus usbeldet wie me ned vom Hai gfresse wird. Derzue hemmer eus im Kokosnuss werfe güebt. Nach em Postelauf hemmer eus i eusere Kajüte igrechte für die nöchsti woche. D Kombüse het au scho bereits kochet und eus kulinarisch mit Älplermaggerone verwöhnt. Am Obig simmer i verschiedene Gruppe unterwegs gsi um eus gägesitig zkennelehre. Au het eus d Crew erklährt wie d Spielregle uf dem grosse alte Schiff send. Nachemne feine Dessert hets gheisse ab id Federe morn gots witter.

Grüessli euchi besti Ämtligruppe Segel